Ishoqxon Ibrat: “O‘z tiliga sadoqat — bu vataniy ishdir”

21-oktabr — O‘zbek tiliga davlat tili maqomi berilgan kun!

Ushbu qutlug‘ sana arafasida ulug‘ ma’rifatparvar, shoir va tilshunos olim Ishoqxon Ibratning ibratomuz so‘zlari yana bir bor yodga olinadi:

“Bizning yoshlar albatta boshqa tilni bilish uchun sa’y-harakat qilsinlar, lekin avval o‘z ona tilini ko‘zlariga to‘tiyo qilib, ehtirom ko‘rsatsinlar. Zero, o‘z tiliga sadoqat — bu vataniy ishdir”.

— ISHOQXON IBRAT

Ona tili har bir xalqning o‘zligini, ruhiyatini va milliy g‘ururini asrab qoluvchi asosiy omildir. Dunyo tillarini o‘rganish bilan birga, ona tilimizni chuqur bilish, uning sofligini saqlash va unga sadoqatli bo‘lish har bir vatandoshimizning muqaddas burchidir.